Magbabalik sa GMA Telebabad ang “K-lig” Kapuso series na “My Korean Jagiya” na pinagbidahan nina Health Evangelista at K-pop star Alexander Lee.
Taong 2017 nang unang ipalabas ang naturang series, kaya naman ikinatuwa ni Alex na muli itong ipalalabas.
Sa Instagram account ng Korean singer-actor, ibinahagi niya ang clip ng mall show nila ni Heart, at sinamahan niya ng sweet message sa kaniyang Pinoy fans .
“The moment @iamhearte and I got so surprised and looked at each other with teary eyes. All of these, thanks to all of YOU. I’m so glad that this phenomenal drama is BACK!” saad ni Alexander.
“Edited with the BEST parts only, hopefully this could bring you some happiness and comfort during this pandemic/typhoon season,” dagdag pa niya.
Sa serye, gaganap si Heart sa role na si Gia, isang quirky, bubbly, and hopelessly romantic Pinay na makakatagpo ang kaniyang long-time crush, na Korean superstar na si Kim Jun-ho.
Kasama rin sa series sina Janice de Belen, Iya Villania, Valeen Montenegro, EA Guzman, Jinri Park at Ricky Davao.
Panoorin ang kanilang kuwento mula Lunes hanggang Huwebes sa ganap na 10 p.m. sa GMA Telebabad. — FRJ, GMA News
