Sa kaniyang Instagram post, inihayag ng Kapuso star na si AiAi delas Alas ang matinding paghanga sa isang babaeng delivery rider sa gitna ng ulan.

Kuwento ng singer-actress, umorder ng pagkain ang kaniyang mister na si Gerald at ipinahatid ito sa kanilang bahay.

"Nagulat ako nag-order asawa ko ng food nag-ring ang phone boses babae (so akala ni gerald naka angkas sa asawa) yun pala sya [babae] mismo ang delivery driver," saad ni AiAi sa post.

"Lumabas talaga ko sa bahay kahit malakas ang ulan gusto kong makita ang isang babaeng masipag, matiyaga, lakas ng loob... ito ang mas na touch ako...," patuloy niya.

Nang batiin umano ni AiAi ang kasipagan ng babae, nakangiting sinabi nito sa kaniya na: "Maam mag-ma-masters kasi ako nag-ipon ako tuition."

Sinabi ni AiAi na Jennifer ang pangalan ng babae.

"Congrats ate ang GALING MO IBA KA!!!," sabi pa ng actress-singer.

Ayon kay AiAi, "Napakadami pa ring babaeng madiskarter mabuhay ka JENNIFER... sana ay madami pang katulad mo para sa pangarap nila sa buhay... GOD BLESS YOU MORE and MORE."

 

 
 
 
 
 
 
 
 
 
 
 
 
 

Gusto ko munang i congratulate si ate lalamove (jennifer name nya ) nagulat ako nag order asawa ko ng food nag ring ang phone boses babae( so akala ni gerald naka angkas sa asawa ) yun pala sya mismo ang delivery driver .. lumabas talaga ko sa bahay kahit malakas ang ulan gusto kong makita ang isang babaeng masipag, matyaga , lakas ng loob ... ito ang mas na touch ako AiAi: ate congrats ang sipag mo naman Jennifer : hello mam (medyo excited sya nakita nya ko ????)mam mag mamasters kasi ako nag ipon ako tuition AIAI: congrats ate ang GALING MO IBA KA!! napakadami pading babaeng madiskarter mabuhay ka JENNIFER .. sana ay madami pang katulad mo para sa pangarap nila sa buhay .. GOD BLESS YOU MORE and MORE ???????? #jennythegreat #jennythelalamovedriver #girlpower #kahitmalakasulanlaban

A post shared by AIAI DELAS ALAS (@msaiaidelasalas) on

 

--FRJ, GMA News