Ipinanganak na ni Chariz Solomon ang ikatlo niyang anak.
Ito ang inanunsyo ng Kapuso commedianne sa Instagram, kung saan makikita na kalong-kalong niya ang kaniyang bagong baby habang nasa ospital.
"DiaFIERCE" caption ni Chariz.
Inanunsyo ni Chariz nitong Agosto na ipinagbubuntis niya ang ikatlo niyang anak sa kaniyang partner na si Vince Teotico, na isang professional DJ.
Meron din siyang dalawang anak sa businessman na si Nestor Ng, na sina Apollo at Ali.
Sa isang ulat ng GMANetwork.com, napabalitang hiwalay na umano sina Chariz at Nestor. —LBG, GMA News
