Inihayag ng dating “Starstruck” survivor na si Diva Montelaba na nagpositibo siya sa COVID-19 at napagtagumpayan din ang sakit.
Sa kaniyang vlog na in-upload niya nitong Setyembre 1, sinabi ni Diva na “very well” na siya matapos ang ilang araw ng self-isolation.
Dinokumento ni Diva ang kaniyang COVID-19 experience, na sinimulan niya sa mismong araw na nagpositibo siya sa virus.
“A few days ago, nagkaroon ako ng sipon and I thought it was like a normal sipon na gagaling din naman. But then out of nowhere, naging paranoid ako, sabi ko, with all this pandemic going on napaisip ako na ‘Oh my gosh what is going on?’”
Maliban sa sipon, wala na raw iba pang naramdamang sintomas si Diva tulad ng ubo at lagnat.
Dahil dito, tinawagan ni Diva ang kaniyang doktor, na nagrekomenda naman sa kaniya na mag-isolate mula sa kaniyang pamilya.
“Just a couple of days ago, I had my swab and I just got the results, actually, just 30 minutes ago. Yes I tested positive of the coronavirus as asymptomatic.
“I’m still trying to sink it in up until now. I don’t know how I feel. I’m pretty sure I’m scared. I’m scared because I don’t know what will happen tomorrow. Ang daming questions eh, ’cause I was super confident na negative ako kasi maingat talaga ako,” sabi ni Diva, na lumalabas daw kapag may importanteng errand.
“I’m a little bit disappointed of myself ’cause I could have been more careful. But there’s no space in that for now. I’m just grateful kasi ginawa ko agad ’yung protocol, when I felt I’m not feeling well na, ang ginawa ko agad is to isolate myself from the family,” pagpapatuloy ng aktres.
Naiiyak na inilahad ni Diva na hindi siya gaanong nakakatulog dahil sa sitwasyon. “I’m scared that I’m alone right now but I think it’s for the best,” sabi niya.
Ipinakita rin ni Diva sa kaniyang vlog kung paano siya nakipaglaban sa sakit, tulad ng pagkain ng masusustansiya at pag-e-ehersisyo habang naka-isolate sa isang hotel.
Ibinahagi rin ni Diva ang kaniyang karanasan sa Instagram, kung saan nag-caption siya na “Yes, I’m a COVID survivor.”
“Finally took courage to relaunch my YouTube channel & for my first vlog, I decided to share my experience to spread awareness and hopefully inspire people,” sabi ng aktres.
“I was very scared to do this but decided to post anyway cause I feel like this is more of an eye opener and a chance to help other people realize that this is serious & we should take all the safety measures that we can get,” dagdag pa ni Diva.
Sumali si Diva sa ikalimang season ng StarStruck noong 2010 at naging first runner-up.
Napanood si Diva sa mga Kapuso shows tulad ng “Beautiful Justice,” “Tadhana,” at “Magpakailanman.” – Jamil Santos/RC, GMA News
