Sumabak na sa mature roles at nagpaka-daring sina Derrick Monasterio at Sanya Lopez sa kanilang upcoming movie na "Wild & Free."
Sa Chika Minute report ni Cata Tibayan sa GMA News "24 Oras" nitong Lunes, sinabing daring at revealing sina Sanya at Derrick sa nabanggit na pelikula ng Regal Films.
Aminado si Sanya na malaking challenge sa kaniya ang pelikula dahil hindi pa siya nagkaka-boyfriend. Pero sa tulong ni Derrick, nagawa raw niya ang mga love scene.
Wala raw pagsisisi si Sanya sa pagtanggap sa pelikula at inilarawan niyang protective at very gentleman ang kaniyang leading man.
Sabi naman ni Derrick, "Matagal ko na siyang kaibigan. It is my way of protecting her defending her at least hindi siya mabastos."
Sabi pa ng aktor, ito na rin ang pinaka-daring na pelikula na nagawa niya.
"I think it's about time, I think I'm at the right age naman. I'm 23 and I've done tweeny roles this is the only role I haven't done in the past," saad niya.
Nang tanungin kung ano naging reaksyon ng kapatid niya si Jak Roberto sa kaniyang daring movide, sabi ni Sanya, "Sabi naman niya sa akin, 'pinagpe-pray ko na maging successful movie mo."
Kasama nina Sanya at Derrick sa pelikula ang isa pang Kapuso actor na si Juancho Trivino.
Bukod sa "Wild And Free," abala rin si Sanya sa taping ng series na "Cain At Abel," kasama sina Dingdong Dantes at Dennis Trillo.
Panoorin ang buong trailer dito:
-- FRJ, GMA News
