Kapuso stars, nominado sa The Pep List: Year 4

Kabilang ang ilang Kapuso stars sa mga celebrity na nominado sa  The PEP List: Year 4 ngayong taon.

Ang taunang event ay ginawa ng entertainment website na Philippine Entertainment Portal (PEP) para kilalalin ang kontribusyon sa industriya ng mga celebrity at showbiz personality.

Ang mga tambalang AlDub (Alden Richards at Maine Mendoza), AnBie (Barbie Forteza at Andre Paras), at GabRu (Gabbi Garcia at Ruru Madrid), ang mga nominado sa Celebrity Pair of the Year.

Nominado naman bilang Female Teen Star of the Year sina Barbie Forteza, Bea Binene, Bianca Umali at Gabbi Garcia.

Para sa Male Teen Star of the Year, kasama sa listahan ng mga nominado sina Miguel Tanfelix, Ruru Madrid at Migo Adecer.

Lalaban naman sina Inah de Belen, Kim Domingo, Kate Valdez, Mikee Quintos at Sanya Lopez sa titulong Female Breakout Star of the Year.

Sa Male Breakout Star of the Year, nominado sina Super Tekla at Jak Roberto.

Ang Kapuso celebrity kids na sina Balang, Ryzza Mae Dizon, Sebastian "Baeby Baste" Benedict at Yuan "Paopao" Francisco ang nasa listahan ng mga nominado sa Child Star of the Year.

Sa Newsmaker of the Year naman nominado sina Sunshine Dizon, Alden Richards at Maine Mendoza. -- FRJ, GMA News