2 mananaya, maghahati sa P27.8-M jackpot prize sa Megalotto 6/45

Dalawang mananaya ang nanalo ng mahigit P27.8 milyong jackpot prize sa Megalotto 6/45 draw nitong Miyerkules ng gabi, December 29, 2021.

Sa website ng Philippine Charity Sweepstakes Office (PCSO), nakasaad na ang lumabas na kombinasyon ng mga numero ay: 18-29-03-25-15-39.

Umabot sa P27,879,938.20 ang kabuuang premyo nito.

Sa kanilang Facebook page, nakasaad na 37 naman ang nanalo ng second prize ng tig-P32,000 matapos makakuha ng limang numero ng lumabas na kombinasyon.

Mayroon namang nanalo ng 3rd na 1,628 para sa halagang tig-P1,000.00 o apat na tamang numero, at 25,837 naman ang nakakuha ng tatlong tamang numero para sa premyong P30.00.

Wala namang tumama sa kasabay nitong Grand Lotto 6/55 draw na ang winning number combination ay 34-48-46-03-50-10, at may premyong P45,112,697.00.

--FRJ, GMA News