Sumalpok ang isang truck at isang bus sa Tungawan, Zamboanga Sibugay at ayon sa mga awtoridad tatlo ang patay kabilang ang drayber ng truck, ayon sa ulat sa Saksi.
Ang mga namatay sa aksidente ay kinilalang sina Generoso Villarin, ang truck drayber, at ang dalawang pahinante na sina Jason Sagrado at Rey Butron Ybanez.
Isinugod sa ospital ang apat na sugatan, na pawang mga pasahero ng bus. Ito ay kinilalang sina Alan Cajocon Tulabing, ang bus drayber, at ang mga pasahero na sina Fe Lagumbay, Nestor CAstillo Gramatico, at Michael Lacasdesantos Eleno.
Base sa imbestigasyon, nakatulog ang drayber ng truck habang nagmamaneho kaya bumangga ito sa kasalubong na bus. — BAP, GMA News
