Biglang naglaho ang isang lalaking nagka-kayak sa karagatang sakop ng Santiago, Chile nang bigla siyang lunukin ng isang humpback whale, at pagkatapos ay iniluwa rin. Ang kahindik-hindik na insidente, nahuli-cam.
Kasama ng kayaker na si Adrian Simancas, ang kanyang ama noong nakaraang weekend sa dagat na sakop ng Punta Arenas, nang lumutang ang balyena at isinubo siya ng dambuhalang nilalang.
"I felt like I was being lifted, but it was clearly too strong to be a wave," ayon kay Simancas.
"When I turned, I felt something blue and white passing close to my face, like on one side and above. I didn't understand what was happening. Then everything... I went under and thought I had been swallowed," dagdag pa niya.
Sa kabutihang-palad, kaagad na niluwa rin ng balyena si Simancas [pati ang kayak] na walang tinamong anumang sugat. Ang kaniyang ama na nasa ibang kayak, nakuhanan ang buong insidente sa kamera.
"I turned on the camera and heard a wave crash behind me, loudly. When I turned, I didn't see anything," ayon kay Dell Simancas, ama ni Adrian.
"So that was the only moment of real fear because I didn't see Adrian for about three seconds. Then he suddenly shot out without the packraft, and a second later, the packraft emerged, and then I saw the fin of something," dagdag niya.
Ayon kay Adrian, inakala niyang katapusan na niya nang sandaling iyon.
"I thought I was done for, that I was dead. It was like three strange seconds down there," saad niya. — mula sa ulat ng Reuters/FRJ, GMA Integrated News
