Dalawang bibe na tila nagtsikahan nang magkita ang nakuhanan ng video ng isang netizen.
Sa Tiktok video, makikita na may iba pang hayop sa lugar tulad ng manok na umiinom ng tubig habang kasabay ang isang bibe.
Pero ang dalawang bibe, biglang itinaas ang mga tuka at bumuka-buka na tila nag-usap nang magkita sila.
Nilagyan tuloy ng uploader ng video ng boses ng mga babaeng "marites" na naghahanap ng "latest" chika ang na-videohan niyang nakatutuwang tagpo.
@terigp Mga maritess ano ba latest dyan ????
? original sound - Teri GP212
Ayon sa uploader ng video na si Teri, nakita nila ang mga bibe nang mag-hiking sila sa San Mateo, Rizal nitong nakaraang Linggo.
--FRJ, GMA News
