Nasawi ang isang senior citizen na may anak na nakapatay matapos barilin ng isang salarin na naghiganti umano sa Dumangas, Iloilo.
Sa ulat ng GMA Regional TV One Western Visayas, na inulat din sa “24 Oras Weekend” nitong Sabado, kinilala ang biktima na si Lelia Gilapay, na nasa loob ng bahay nang barilin ng suspek mula sa labas.
Tinitingnang motibo sa pagpatay ang paghihiganti.
Nitong Oktubre, sinaksak umano at napatay ng anak ni Gilapay ang kapatid ng suspek.
Pinaghahanap na ngayon ang salarin. — Jamil Santos/VBL, GMA Integrated News
