Nagpositibo sa COVID-19 ang Blackpink member na si Lisa, ayon sa ulat ng Soompi.
Naglabas din umano ng pahayag ang agency ng Blackpink na YG Entertainment, at kinumpirma ang ulat.
"Blackpink’s Lisa was diagnosed with COVID-19 this afternoon (November 24)," ayon sa pahayag.
Inihayag din ng agency na hindi naging close contact ni Lisa ang iba pang miyembro ng grupo na sina Rosé, Jennie at Jisoo. Gayunpaman, isinailalim na rin sila sa PCR tests at hinihintay pa ang resulta.
"We first shared this information quickly and accurately with representatives and staff, and we took strong preemptive measures even beyond the guidelines of health authorities," pagtiyak ng YG Entertainment.
"We will continue to not hold back on providing full support with the health of our artists and related staff members as the top priority. If there are any changes in the future, we will once again notify you quickly," dagdag nito.
-– FRJ, GMA News
