Inilahad ng premyadong Canadian composer na si David Foster na may espesyal na puwang sa kaniyang puso ang Pilipinas, dahil "into another level" ang Pinoy audience sa tuwing pine-perform ang kaniyang mga kanta.
Sa Chika Minute report ni Nelson Canlas sa GMA News “24 Oras” nitong Biyernes, sinabing nakatakdang ipalabas ang pinakabagong bio-documentary ni David na “Off The Record,” kung saan mas makikilala pa ng personal ang musician-composer at record producer.
Kabilang sa mga itatampok ang relasyon niya sa misis niyang “American Idol” runner up at celebrity na si Katherine McPhee at ang kaniyang pagiging dating stepfather sa mga supermodel na sina Gigi at Bella Hadid.
“Most of my private life is exposed anyway through social media and tabloids and, you know, it’s not like I’m super famous but I’m famous enough that it matters what I do,” sabi ni David.
Si David din ang naging daan sa pagsikat ng dalawang Filipino singers na sina Gerphil Flores at Jake Zyrus.
“Everywhere I go in the world, almost every day, right here in this building where I am, there’s Filipino people that work in the building, on the front desk, every day ‘Charice! Charice! Charice!’ (dating pangalan ni Jake) I get thanked every day. I shouldn’t be thanked. I found a great talent and it was my privilege and honor.”
Para kay David, bukod sa napakaraming talento ng mga Pinoy, nakatataba pa ng puso ang magtanghal sa Pilipinas.
“The Philippines is almost unique in its, if not unique, you can imagine being on stage and playing your songs to 10,000 people and you stop singing, and the entire 10,000 people are singing every single word in perfect English because the Filipinos love their music. You guys are into another level so what’s not to love about playing for an audience like that?”
Higit limang dekada na si David sa music industry, kung saan nakakuha siya ng 16 Grammy Awards.
Nakalikha pa siya ng mahigit 100 hit songs, na inawit ng mga pinakamalalaking pangalan sa mundo ng musika, kabilang sina Celine Dion, Josh Groban, Barbra Streisand, Madonna at marami pang iba. – Jamil Santos/RC, GMA News
