Isang mananaya ang masuwerteng nanalo ng mahigit P366 milyon jackpot sa Ultra Lotto 6/58 draw nitong Biyernes, June 30, 2023.
Sa website ng Philippine Charity Sweepstakes Office, nakasaad na ang lumabas na mga numero ay 43-58-37-47-27-17.
Mayroon itong kabuuang premyo na P366,687,465.20.
Sa Facebook page ng PCSO, nakasaad na mayroon ding 92 mananaya ang nanalo ng second prize na P120,000 ang premyo.
Wala namang nanalo sa kasabay nitong draw na Megalotto 6/45, na ang lumabas na mga numero ay 14-32-15-40-08-29, at may premyong P8,910,000.00.
Noong Oct. 14, 2018, umabot sa P1.18 bilyon ang jackpot sa Ultra Lotto 6/58, na pinakamataas sa kasaysayan ng lotto sa bansa.
Dalawang mananaya ang naghati sa naturang premyo. --FRJ, GMA Integrated News
