Nasapul sa video ang pagkahulog ng isang 5-anyos na bata sa isang manhole sa China.
Batay sa video na inilabas sa Unang Balita nitong Miyerkoles, nangyari and insidente sa Hunan Province.
Sa video, makikitang paatras ang lakad ng batang lalaki.
Nagulat na lamang mga mga tao sa paligid nang ma-shoot ang biktima sa butas ng isang septic tank.
Makikita rin sa video na dali-daling rumesponde ang isang lalaking napadaan lang. Kasama ang ilan pang nakasaksi, hinila nila ang bata palabas ng manhole.
Ligtas na ang bata, at iniimbestigahan na ng mga awtoridad kung bakit iniwang bukas ang manhole. —LBG, GMA Integrated News
