Nahuli-cam ang panununog sa isang motorsiklo sa Baguio City ng isang hindi nakikilalang lalaki.
Sa ulat ng GMA Regional TV One North Central Luzon na inilabas sa Unang Balita nitog Miyerkoles, nahuli sa CCTV ang aktong pagliyab ng motorsiko matapos silaban ng isang lalaki noong gabing nangyari ang krimen.
Ayon sa may-ari, nakita na lamang niyang tupok na ang kanyang motor kinabukasan.
Palaisipan pa umano sa kanya kung sino at kung bakit sinunog ang kanyang motorsiklo.
Hinihintay na lamang umano ng mga pulis ang incident report na isusumite ng biktima upang pormal na masimulan ang imbestigasyon, ayon sa ulat. —LBG, GMA Integrated News
