Patay ang isang lalaki matapos mahulog ang kanyang minamanehong SUV sa megadike sa Bacolor, Pampanga.
Kinilala ang biktima na si Gifford Veloso y Diaz, 46, residente ng San Fernando, La Union, ayon sa ulat sa Balitanghali ng GMA News TV nitong Sabado.
Base sa imbestigasyon ng Bacolor Police, binabagtas ng biktima ang kahabaan ng megadike nang mabunggo nito ang concrete barrier sa gilid ng daan sa pakurbadang bahagi nito.
Nahulog ang SUV at nagpagulong-gulong ito sa dike.
Isinugod sa ospital ang biktima subalit idineklara itong dead on arrival. —KG, GMA News
