Matapos na itinanghal na 2023 Miss Universe Philippines, sinabi ni Michelle Dee na gagawin niya ang lahat para maiuwi sa Pilipinas ang korona ng naturang international pageant na gaganapin sa El Salvador.
Sa kaniyang Instagram post, pinasalamatan ni Michelle ang Miss Universe Philippines organization sa ibinigay na tiwala sa kaniya na maging kinatawan ng Pilipinas sa Miss Universe pageant.
"All the efforts and hard work I did to win the crown yesterday will not stop there," pangako niya.
"The next chapter of my pageant journey is no longer my own. It's for each Filipino that I will be representing in El Salvador," sabi pa ni Michelle.
"Knowing this doesn't just inspire me. It pushes me to work even harder and to dream bigger. It pushes me to do whatever it takes to bring home the Miss Universe crown to the Philippines," dagdag pa ng Kapuso beauty queen.
Ayon kay Michelle, nakatala sa isip niya nang sumabak sa kompetisyon na, "it's not done until it's won."
"Winning this year validates not just to me but to every Filipino that with hard work, perseverance and passion, you can achieve anything," sabi ng actress atbeauty queen.
Nakuha ni Michelle ang korona ng Miss Universe Philippines nitong Sabado sa kaniyang ikalawang pagsali sa kompetisyon.
Noong 2019, itinanghal siyang Miss World Philippines.— FRJ, GMA Integrated News
