Inihayag ni Joyce Pring na hindi naging madali ang unang trimester ng kaniyang pagbubuntis sa baby number 2 nila ni Juancho Triviño, lalo noong mga panahong hindi niya kapiling ang mister dahil kailangan nitong mag-lock in taping.
Sa kanilang Instagram nitong Miyerkoles, inanunsyo nina Joyce at Juancho na inaasahan na nila ang kanilang baby number 2.
Ayon kay Joyce, inaasahan na nila ni Juancho ang kanilang baby number 2 sa Abril 2023, at hindi niya na rin maitago ang lumalaki niyang baby bump.
"THERE’S A BABY IN MAH BELLY, Baby number TWO coming in hot this April 2023!!! Surprise!!! It’s been getting harder and harder to hide my big bump so here we go " caption ng Kapuso host.
Sa kaniya namang IG stories, sinabi ni Joyce na Agosto 19 pa nila nalaman ni Juancho na muli siyang nagdadalantao.
"The first 3 months was ROUGH. Had some bleeding, I was nauseous ALL THE TIME, I did NOT want to eat anything, and it was just a hard time overall," sabi niya.
"I went through some of the toughest experiences during the first few months of this pregnancy; most of them without my husband by my side because of lock in taping - but by the grace of God, here we are. Happy, healthy, and expecting our little baby in a few months," dagdag ni Joyce.
Gayunman, pinasalamatan ni Joyce si Juancho sa pagbawi nito sa tuwing magkakaroon ng oras sa pamilya. Pinasalamatan din niya ang mga taong malalapit at mahal nila sa buhay na tumulong habang siya ay nagbubuntis.
"I was still working, doing all the events, juggling everything and it honestly wouldn't have been possible without my amazing husband, our family, and my incredible team and management,” sabi niya.
Ikinasal sina Joyce at Juancho noong Pebrero 2020. Isinilang ni Joyce ang una nilang baby na si Eliam Hulyo noong 2021. — VBL, GMA Integrated News
