Arestado ang isang lalaki habang libu-libong halaga ng umano'y ipinagbabawal na droga ang nalambat sa buy-bust operation sa Novaliches, Quezon City.
Ayon sa ulat ng Unang Balita nitong Lunes, naaresto ang suspek na si John Christoper Tiongson ng mga tauhan ng Novaliches Police Station at Philippine Drug Enforcement Agency sa Barangay Sauyo sa Novaliches pasado hatinggabi ng Sabado.
Nakuha sa kaniya ang nasa P360,000 halaga ng pinaniniwalaang marijuana at higit P431,800 halaga ng umano'y shabu.
Dalawang menor de edad naman ang nailigtas sa operasyon.
Hindi nagbigay ng pahayag ang suspek. —Alzel Laguardia/KBK, GMA News
