Umabot na sa mahigit P201 milyon ang jackpot prize sa 6/58 Ultra Lotto ng Philippine Charity Sweepstakes Office (PCSO) nitong Biyernes, Enero 29, 2021.
Sa draw na ipinalabas sa PTV-4 nitong Biyernes ng gabi, ang lumabas na winning combination para sa 6/58 ay 34-10-26-04-42-21.
Sa website ng PCSO, ipinakitang walang nanalo o nakakuha ng winning combination sa 6/58 draw na may kabuuang papremyong P201,418,009.20.
Samantala, wala ring nanalo sa isa pang draw para sa Megalotto 6/45 draw na may winning combination na 27-36-17-42-23-14, at may papremyong P8,910,000.00.
Samantala, mahigit naman sa P121 milyon ang jackpot prize sa Grand Lotto 6/55 na mayroong bola o draw ngayong Sabado ng gabi, Enero 30, 2021.
Kasabay nito, inanunsiyo ng PCSO na isang mananaya ang solong nanalo ng P20,130,966.60 jackpot prize sa nakaraang draw ng Lotto 6/42 na ang winning numbers ay 05-02-12-26-28-04.
Ang winning ticket ay nabili umano sa Dasmariñas, Cavite.--FRJ, GMA News
