Isang babae ang ginahasa ng dalawang lalaki sa Butuan City, ayon sa ulat ng Unang Balita nitong Martes.
Kuwento ng biktima, pauwi siya sakay ng habal-habal nang harangin sila ng dalawang lalaking naka-bonnet. Pinaalis daw ng dalawa ang driver ng habal-habal at naiwan ang biktima.
Dinala raw siya sa isang liblib na lugar at doon ilang beses daw siyang pinagsamantalahan.
Nai-report na sa pulis ang nangyari at inaalam na ang pagkakakilanlan ng mga salarin. --KBK, GMA News
