Nagtamo ng malubhang sugat sa katawan ang isang ginang matapos siyang atakihin ng buwaya sa Balabac, Palawan noong Huwebes.
Sa GMA News "Unang Balita," kinilala ang biktima na si Maritsaya Hussin, 45-anyos, na nag-iigib noon ng tubig nang atakihin ng hayop.
Nang makita ng pamangkin ang insidente, agad niyang tinulungan ang tiyahin na makakawala sa buwaya.
Agad dinala sa pagamutan ang biktima at nagpapagaling na ngayon. —Jamil Joseph Santos/LBG, GMA News
