Patay ang isang motorcycle rider matapos makabanggaan ang isa pang motorsiklo sa Bunawan, Agusan del Sur.
Kinilala ang biktima na si Police Staff Sergeant Angeline Ong- Alo ng Agusan del Norte Provincial Police Office.
Ayon sa Bunawan Municipal Police Station, parehong nasa national highway patungong Butuan City ang dalawang riders.
Pagdating sa isang intersection, bigla raw lumiko pakaliwa ang rider na si Jerry Geronda.
Sinubukan umanong mag-overtake ni Alo pero nahagip niya si Geronda.
Nagsalpukan at sumemplang sa kalsada ang dalawa. Nagtamo si Alo ng matinding pinsala, at kritikal naman sa pagamutan si Geronda.
Nagpaabot naman ng pakikiramay at tulong ang Agusan del Norte PPO sa pamilya ni Alo. —LBG, GMA News
