Natagpuan ang bangkay ng isang lalaking nakagapos at may tama ng bala ng baril sa ulo sa Iloilo.
Sa ulat ng GMA Regional TV One Western Visayas sa Unang Balita nitong Biyernes, sinabing natagpuan ang bangkay sa bayan ng Tigbauan.
Nakagapos ang mga kamay at paa ng biktima at may tama ng bala ng baril sa ulo ng matagpuan ito sa Barangay Linobayan, ayon sa ulat.
Nakita ang bangkay ng isang naglalako ng isda na napadaan sa lugar.
Hinala ng mga opisyal ng barangay, doon lang itinapon ang bankay dahil walang bakas ng dugo sa lugar kung saan ito natagpuan.
May nakuha na ID sa bag ng biktima na nakapangalan sa isang Allen Sanchez.
Patuloy ang imbestigasyon sa insidente. —LBG, GMA Integrated News
