Dalawang buwan matapos ang kanilang engagement, mag-asawa na sina Rocco Nacino at Melissa Gohing matapos magpakasal na ginanap sa isang naval warship.
"Yes... we.. did.. [ring emoji]," saad ni Rocco sa caption ng larawan ng kasal nila ni Melissa.
"Meet my wife, Mrs Melissa Gohing Nacino," dagdapa niya.
Si Rocco ay may ranggong Petty Officer (PO) 3rd Class of the Philippine Navy bilang isang reservist.
Suot niya ang kaniyang puting uniporme nang magpakasal.
Nakasuot naman ng white gown ang bride na si Melissa na gawa ni Francis Libiran.
Tatlong taon nang magkarelasyon sina Rocco at Melissa.
Sa IG post naman ni Mellisa, sinabi niya sa caption sa larawan na, "I don't just want to marry you to be with you forever and live happily ever after but because marriage is not easy & it's a lifetime of ups & downs."
"You're the only person I know I can go through all those hurdles with. It's hard work but it will be worth it. You are my once in a lifetime. Love, your Mrs. Nacino," patuloy ni Mrs. Rocco. --FRJ, GMA News
