Sa pagsalang ng Nation's Girl Group na BINI sa episode ng "Fast Talk with Boy Abunda" nitong Biyernes, kabilang sa itinanong sa kanila ay kung kompetisyon sa kanila ng P-pop Kings na SB19.
"Meron ba kayong competition with SB19?" tanong ni Tito Boy sa BINI, na sinagot ni Stacey para sa grupo.
"The answer is no po," saad niya. "Hindi po talaga namin silang nakikita as our kalaban-kalaban. Kasi 'yung friendship po namin on and off cam, sobrang genuine po. And talagang sine-celebrate po namin 'yung pag-angat ng OPM together."
Sa kabila nito, hindi naman itinanggi ng BINI na may kompetisyon pa rin sa industriya. Gayunmpaman, hinaharap nila ito "in a healthy way" at inihayag din nila ang suporta sa iba pang grupo.
"For us, I think we handle competition in a healthy way naman. We take the competition and we use that as motivation for us to do even better. But we don't want to bring them down through that competition, you know. For the other groups or different artists, we completely, we really want to support them. We support OPM and we hope that OPM rises altogether and not just us," sabi ni BINI Mikha.
Ilan sa mga patok na kanta ng BINI ang "Pantropiko," "Karera" at "Salamin, Salamin."
Wagi ang BINI bilang International Breakthrough Artist at International Video of the Year para sa “Cherry on Top” sa BreakTudo Awards 2024 sa Brazil, and ginawaran din ng Best Asia Act sa 2024 MTV Europe Music Awards.
Mayroon silang BINIVerse World Tour ngayong 2025 sa Pilipinas, Singapore, Dubai, London, USA, at iba pa.-- FRJ, GMA Integrated News
