Pinoy hand shadow puppeteer, nakakuha ng 'golden buzzer' sa 'AGT'

Matapos pahangain ang mga hurado sa kaniyang hand shadow talent, nakakuha ng "golden buzzer" ang Pinoy na si Shadow Ace sa "Asia's Got Talent."

Matapos ang nakakaaliw niyang performance,  nakakuha si Ace ng mga positibong papuri mula sa mga hurado na sina David Foster, Anggun, at Jay Park.

“I am so glad that you are on this show. I really love that performance,” sabi ni Anggun.

Inilarawan naman ni Jay na pinakamahusay na shadow show na napanood niya ang ginawa ni Ace.

"Shadow Ace, it's a silly little thing I guess, just to say that you play with your hands and make figures like that, but I'll let you know, I forget they were hands. They were people to me,” sambit naman ni David.

Matapos na bumoto ng yes si David, pumasok na ang mga host na sina Alan Wong at Justin Bratton para pindutin ang "golden buzzer" para kay Ace. Panoorin ang kahanga-hangang ginawa ni Ace sa video na ito.

--FRJ, GMA News