Agaw-pansin ngayon sa Shibuya, Tokyo, Japan ang ilang pampublikong palikuran na gawa sa salamin na kita ang loob mula sa labas.
Pero wala naman daw dapat ipag-aalala ang mga gagamit ng palikuran dahil ginawa ng palikuran na lalabo ang salamin o magiging opaque kapag may tao na sa loob at ini-lock ang pinto.
"There are two things we worry about when entering a public restroom, especially those located at a park. The first is cleanliness, and the second is whether anyone is inside," paliwanag sa The Tokyo Toilet website.
Public toilet.
— AFP news agency (@AFP) August 20, 2020
A transparent toilet designed by Shigeru Ban at Haru-no-Ogawa Community Park in Tokyo. Its glass walls turn opaque when the lock is closed...
???? Philip Fong pic.twitter.com/VCkvICp93h
Nakatayo ang transparent toilets sa Yoyogi Fukamachi Mini Park at Haru-no-Ogawa Community Park.
Bahagi umano ito ng inisyatibo ng The Tokyo Toilet, na layuning i-redesign ang 17 public toilets sa Shibuya. Sa ngayon, lima na umano ang kanilang nagawa.
Pero bakit nga ba nila ito ginagawa: Paliwang ng The Tokyo Toilet sa kanilang website, "Toilets are a symbol of Japan's world-renowned hospitality culture."--FRJ, GMA News
