Natuklasan umano ng mga Pinoy at ilang foreign scientists na may isang mapanganib na uri ng jellyfish na mula sa Japan ang natagpuan din sa karagatan ng Pilipinas.
May nakita umanong katibayan na magpapatunay na matatagpuan sa tinatawag na Coral Triangle, isang hotspot ng marine biodiversity na kinabibilangan ng Pilipinas, ang jellyfish na Chironex yamaguchii.
“Based on previous studies by marine researchers, a team of biologists hypothesized that Chironex yamaguchii, a dangerous species of box jellyfish known from Japan, is also present in Philippine waters,” ayon sa pahayag na inilabas ng University of the Philippines Diliman College of Science.
“This box jellyfish was found to cause severe stings and even fatalities in the Indo-Pacific and Western Pacific regions. Their tentacles can inflict extreme pain, cause skin injuries with welts, and even trigger heart attacks and death,” dagdag nito.
Ngunit sa kabila ng kanilang halos magkaparehong pisikal na katangian, natuklasan ng mga siyentipiko ang maliliit na pagkakaiba sa genetiko sa pagitan ng mga C. yamaguchii mula sa Pilipinas at Japan, na nagpapahiwatig na ang C. yamaguchii sa Pilipinas ay maaaring isang hiwalay na uri na nangangailangan ng karagdagang pag-aaral.
“Knowing the genetic diversity and distribution of C. yamaguchii helps in correctly identifying the jellyfish responsible for stings, which is crucial for effective treatment and management,” ayon sa mga mananaliksik.
“Understanding the presence of jellyfish populations in various regions can also help assess the risk of jellyfish stings in those areas, which can protect local communities and tourists,” dagdag nito.
Bukod pa rito, kabilang sa mga layunin ng mga siyentipiko sa pagsasagawa ng pag-aaral ay upang magbigay ng kaalaman tungkol sa C. yamaguchii, at matulungan ang mga gumagawa ng polisiya na magpatupad ng mga regulasyon at gabay para sa kaligtasan sa dalampasigan at pamamahala ng mga populasyon ng jellyfish.
Ang research team ay binubuo nina Sheldon Rey Boco, Christine Gloria Grace Capidos at Dennis Talacay ng Philippine Jellyfish Stings Project, kasama sina Raffy Jay Fornillos at Dr. Ian Kendrich Fontanilla ng University of the Philippines – Diliman College of Science’s Institute of Biology; Phuping Sucharitakul at Jonathan Lawley ng Griffith University’s School of Environment and Science in Queensland, Australia; Allen Collins ng Smithsonian National Museum of Natural History sa Washington, DC; Joseph Elliz Comendador ng National Museum of Natural History ng National Museum of the Philippines; at Facundo Rey Ladiao ng Leyte Normal University. — FRJ, GMA Integrated News
