Papa Dudut, magiging resource person sa 'Your Honor'

December 05 2024

By AEDRIANNE ACAR

Award-winning Barangay LS Forever host Papa Dudut, ipapatawag sa session in aid of chikahan ng Your Honor!

Magiging guest a.k.a resource person ang sikat na FM radio anchor sa bagong vodcast na hino-host nina Tuesday Vargas at Buboy Villar na mapapanood at mai-stream online sa YouLOL YouTube channel at iba pang music streaming platform simula December 7.

Sa inilabas na official launch trailer ng YouLOL, ibinahagi ng resident “love guru” ng Barangay LS ang opinyon sa madalas na pinag-aawayan daw ng couples.

Aniya, “Ang relasyon ‘pag walang gulo, pangit [at] boring ‘di ba? Isa rin sa pinag-aawayan ‘yung nag-puso ka sa ibang picture.”

Sabat naman ni Madam Chair Tuesday, “Truth! Lalo na kung isang daan ang puso. 2016 pa 'yang naka two-piece bakit hina-heart mo ‘to!”

Mapapasabak din sa matinding cross examination in aid of chikahan ang mga paborito n’yong celebrities na sina Paolo Contis at showbiz couple Aubrey Miles and Troy Montero.

Sa panayam ni Tuesday Vargas sa GMANetwork.com, ibinahagi nito ang gusto nilang maihatid sa mga makiki-‘marites’ sa kanila sa Your Honor.

“Marami akong opinyon, especially for mothers like me, 'yung naaapektuhan ang buhay nanay, buhay pamilya. Gusto ko ng ganitong show 'yung maso-showcase, hindi lang 'yung talent namin ni Buboy sa pagpapatawa, pero we also have something between our ears. Meron din kaming opinyon sa mga nangyayari.”

Dagdag ni Tuesday, “Pero we are going to parang package it in an entertaining way. Para 'yung makakanood sa YouLOL sobrang ma-engage sila. Hopefully, bukod sa matawa na kayo, e may matutunan pa kayo sa mapapanood n'yo sa amin.”

RELATED CONTENT: