'DZBB Super Serbisyo: Trabaho at Negosyo,' kinilala sa 46th Catholic Mass Media Awards

October 29 2024

By AEDRIANNE ACAR

Isa naman programa ng Super Radyo DZBB ang kinilala sa 46th Catholic Mass Media Awards o CMMA.

Nakamit ng AM program nina Tootie at Norilyn Temblor na DZBB Super Serbisyo, Trabaho at Negosyo ang parangal bilang Best Business News.

Noong 2023, nakatanggap din ang radio show ng special citation mula sa CMMA.

Humakot din ng parangal ang GMA Entertainment shows tulad ng The Voice Generations, Lilet Matias, Attorney-At-Law, at #MPK (Magpakailanman) hosted by GMA Integrated News pillar Mel Tiangco.

Nasungkit naman ng programa na Kapuso Mo, Jessica Soho ang parangal na Best Public Service Programa sa 46th CMMA.