Papa Dudut, itinuturing na advance birthday gift ang natanggap na pagkilala mula sa Global Trends Business Leader Awards

February 22 2024

By AEDRIANNE ACAR

Mas lalong motivated ang sikat na Barangay Love Stories host na si Papa Dudut, matapos bigyan ng award sa Global Trends Business Leader Awards.

Kamakailan lang, itinanghal si Dudut bilang Most Outstanding Male DJ sa 6th Gawad Lasallianeta at ngayon naman at natanggap niya ang Radio Broadcasting and Entertainment Excellence recognition. Idinaos ang awards night sa Okada Manila noong February 20.

Sa Facebook post ng award-winning radio host, itinuturing niyang advance birthday gift ang nakuha niyang pagkilala.

Aniya, “Para po ito sa mga Kapuso, Kabarangay! kay Lord sa mga blessings! At sa aking pamilya! kay Jem, Kite at sa aking Twins ??Advance Birthday Gift this coming Feb 2.”

“Salamat sa Global Trends Business Leaders Awards for Radio Broadcasting and Entertainment Excellence.”

Nasungkit naman ng top-rating Kapuso FM radio station na Barangay LS Forever  ang Industry Excellence in Radio Broadcasting award.