Talk To Papa: Max Collins, umamin na konti ang bonding moments kasama ang asawa na si Pancho Magno

March 12 2019

By AEDRIANNE ACAR

Focused muna sa kani-kanilang career ang Kapuso showbiz couple na sina Max Collins at Pancho Magno.

Max Collins

Sikat sa Barangay: 'To The Top' finalist Cholo dela Cruz, nakaka-relate sa single niya na '(are we) just friends'

Ito ang inamin ni Max sa sit-down interview niya kina Papa Obet at Papa Marky ng 'Talk To Papa' kahapon, March 11.

Ayon sa versatile Kapuso actress, sunod-sunod ang kanilang trabaho kaya minsan ay wala na sila masyadong bonding moments.

Ani Max, “Wala kaming time kasi tuloy-tuloy ang taping namin ng Bihag, at saka ‘yung asawa ko magsisimula na mag-taping. Busy kaming dalawa,”

Kaya sinusulit daw talaga nila ni Pancho ang mga pagkakataon na wala silang trabaho. Dagdag ni Max, mas pinipili nilang tumambay sa bahay para makasama ang isa’t-isa.

Saad niya, “Mahirap! Kailangan niyo talagang gawan ng time, so 'pag wala kaming work hindi talaga kami lumalabas, nagi-stay lang kami sa bahay.

“Sabay kumakain, pero ‘yun lang ‘yung time namin para sa isa’t-isa. Mahirap talaga but magagawan ng paraan,”

Alamin kung ano ang pinakabagong Kapuso soap na pagbibidahan soon ni Max Collins sa video na ito: