GMA Pictures > Photos

Marian Rivera, thankful sa success ng 'Balota'

November 15 2024

Masayang nakapanayam ng entertainment press ang Kapuso Primetime Queen na si Marian Rivera sa naganap na media interview kamakailan para sa success ng theatrical run ng Balota.

Sa naturang event, nagkuwento ang award-winning actress tungkol sa kanyang karanasan sa pelikula. Katunayan, kakaibang fulfillment ang naramdaman ng aktres sa paggawa ng pinagbibidahan niyang pelikula.

"Malaki. Sabi ko nga, ang hirap ikumpara ‘yung mga nagawa kong pelikula pero isa siguro si Balota na masasabi ko na, noong ginawa ko siya, ‘yung fulfillment na naramdaman ko noong ginagawa ko siya, at noong natapos ko siya, at noong pinanood ko na siya sa sinehan, iba pa rin ‘yung fulfillment na nakuha ko doon, na parang sinabi ko, ‘Ay, puwede palang ganito.’

“Masarap gumawa ng isang proyekto na kapag gumagawa ka, buong buo ‘yung loob mo at alam mong may mako-contribute ka din sa mga manonood. Parang ngayon na-realize ko na sa bawat gagawin ko siguro, gusto ko talaga na kapag nanonood ‘yung mga tao sa akin, may nako-contribute ako sa buhay nila habang pinapanood nila," pagbabahagi niya.

Alamin dito ang naganap na media interview ni Marian Rivera para sa pelikulang ‘Balota.’