Marian Rivera reveals similarities with her role as Emmy in 'Balota'

August 05 2024

By DIANNE MARIANO

Dumalo ang stellar cast at production team ng Balota sa idinaos na gala night ng pelikula nitong August 4 sa Ayala Malls Manila Bay.

Matapos panoorin ang pelikula ay nagkaroon din ng talkback session, kung saan ibinahagi ng cast at crew ang kanilang experiences at insights tungkol sa Balota.

Isa sa mga tanong para kay Kapuso Primetime Queen Marian Rivera ay kung ano ang pagkakatulad niya sa kanyang karakter na si Teacher Emmy.

“Una sa lahat, pangarap ko maging teacher. Sabi ko naman kung hindi ako artista-sa mga past interview ko-pangarap ko talagang maging teacher. Pangalawa, nanay ako at gano'n kasi ako sa mga anak ko, gano'n ka-close sa mga anak ko. At siguro, 'yung pagiging determinado ni Teacher Emmy. Kilala n'yo naman ako in showbiz, sobrang transparent ko. What you see is what you get," sabi niya.

“Sasabihin ko kung ano talaga 'yung nararamdaman ko at kung ano'ng gusto kong sabihin nang walang filter, gano'n si Teacher Emmy e. Basta makakabuti para sa lahat, siguro sa akin, gagawin ko makakabuti para sa pamilya ko, sa mga anak ko, sa mga kaibigan ko, lahat 'yun gagawin ko para sa kanila. Siguro 'yung sobrang mapagmahal ni Teacher Emmy to the point na hindi niya naiisip 'yung sarili niya basta maging safe at save niya lahat,” pagbabahagi niya.

Sa panayam naman ni Aubrey Carampel kay Marian para sa Balitanghali, sinabi ng award-winning actress na sobrang “priceless” ang kanyang experience sa Balota.

“Sabi ko nga, 'yung experience ko rito sa Balota, sobrang priceless. Nagpapasalamat talaga ako na nagawa ko talaga ito,” aniya.

Bukod kay Marian Rivera, kabilang din sa cast ng Balota sina Will Ashley, Royce Cabrera, Raheel Bhyria, Gardo Versoza, Mae Paner, Nico Antonio, Donna Cariaga, Joel Saracho, Sue Prado, Esnyr, at Sassa Gurl.

SAMANTALA, SILIPIN ANG CAST NG BALOTA SA NAGANAP NA CINEMALAYA 2024 PRESS CONFERENCE SA GALLERY NA ITO.