Estudyante, naka-costume na sa thesis defense bago sumalang sa street dance competition

Hinahangaan ang pagiging madiskarte ng isang estudyanteng lalaki sa Ilocos Sur na pumasok na nang naka-costume sa kaniyang thesis defense bago sumabak sa sinalihan niyang street dance competition.

Sa ulat ng GMA Regional TV One North Central Luzon, na iniulat din sa Unang Balita nitong Huwebes, sinabing nagsabay ng araw ang thesis defense at street dance competition ni Ram Jaramillo.

Humanga ang mga guro at panelists sa diskarte ni Ram kaya pinauna na ang kaniyang grupo na mag-defend ng thesis para makahabol siya sa kompetisyon.

Naka-costume pa rin si Ram pagdating niya sa terminal papuntang Maynila para sa kaniyang OJT at nakapagpalit bago ang biyahe.

Proud si Ram na naging produktibo ang kaniyang araw.—Jamil Santos/AOL, GMA Integrated News