62-anyos na lalaki, natagpuang patay sa kanyang bahay sa Maynila

Patay na nang matagpuan sa loob ng kanyang bahay ang isang senior citizen na lalaki sa Sta. Ana, Manila.

Sa ulat ng Unang Balit nitong Miyerkoles, kinilala ang biktima na si Nathaniel Alunan, 62-anyos, na may tinamong mga saksak sa iba't ibang bahagi ng kanyang katawan.

Ayon sa mga pulis, nawawala rin ang ilang mga gamit ng biktima.

Pagnanakaw ang isa sa mga tinitingnang anggulo sa krimen. —LBG, GMA Integrated News