Bangkay ng lalaking tadtad ng saksak, natagpuang nakasako sa Tondo

Isang bangkay ng lalaki na tadtad ng saksak sa leeg at nakasako ang natagpuan sa kalsada sa Tondo, Maynila.

Sa ulat ng Unang Balita, sinabing natagpuan ng mga batang mangangalakal ang sako maghahatinggabi ng Martes.

Nakasuot ang bangkay ng cargo shorts at pulang t-shirt ang lalaki, at tinatayang nasa 40 taong gulang.

Agad naman itong Iniulat ng mga bata sa barangay.

Patuloy ang imbestigasyon sa pagkakakilanlan at kung sino ang salarin sa pagpatay sa lalaki. — Jamil Santos/MDM, GMA News