Mike Velarde, walang i-e-endorsong kandidato sa pagkapresidente

Walang i-endorsong kandidato si El Shaddai founder at "servant leader" Bro. Mike Velarde ngayong eleksyon 2016.

Sa ulat ng Unang Balita, sinabi umano ni Brother Mike na ipauubaya niya sa kanilang mga miyembro kung sino ang pipiliin nila.

Sa ngayon ang maipapayo niya sa kanilang mga miyembro: Mag-isip ng mabuti. Magnilay-nilay at manalangin para tama ang iboboto.

Naniniwala ang ilang mga kandidato na malaking maitutulong sa kanilang kandidatura ang endorsement ni Brother Mike.

Hindi naman lantantarang sinabi ni Velarde na ang El Shaddai ay isang voting bloc sa panahon ng eleksyon.  

Nauna nang umapela si Bishop Emeritus Teodoro Bacani, ang spiritual adviser ng El Shaddai, sa mga miyembro na huwag iboto si Davao City Mayor Rodrigo Duterte. — LBG, GMA News