WATCH: Aso, nagmistulang kabayo matapos kabitan ng maliit na karitela

Kumakalat sa social media ang video ng isang asong nagmistulang kabayo matapos siyang kabitan ng maliit na karitela at sinakyan ng isang lalaki.

Sa ulat ng GMA News 24 Oras nitong Sabado, sinabing isang motorista ang nakakuha ng video sa aso at sa lalaki.

Hati naman ang reaksyon ng netizens tungkol sa video.

Mayroon umanong nagsasabi na pang-aabuso ang ginawa sa aso, habang ang iba ay humanga sa aso at walang nakikitang mali sa ginawa ng lalaki.

Sinusubukan pa ng GMA News na kunin ang pahayag ng Philippine Animal Welfare Society. -- FRJ, GMA News