Motorsiklo, nahulog sa tulay; 1, patay, 2, sugatan

Agad na nasawi ang isang lalaki matapos na mahulog sa ginagawang tulay ang sinasakyan nitong motorsiklo sa Pagadian city.

Sa ulat ng GMA News TV's Balita Pilipinas nitong Huwebes, sinabing nakaangkas sa motorsiklo ang nasawing biktima.

Kritikal naman ang lagay ng rider ng motorsiklo, at isa pa niyang angkas.



Ayon sa pulisya, pawang nakainom ang mga biktima nang mangyari ang insidente.

Posibleng hindi raw namalayan ng mga biktima ang ginagawang bahagi ng tulay kung saan sila nahulog.

Tricycle driver, huli sa droga

Samantala, isang tricycle driver naman sa Pagadian city pa rin ang dinakip ng mga awtoridad matapos mahulihan ng umano ng shabu sa isinagawang buy-bust operation.

Nabawi sa suspek ang suspek ang ilang pakete ng pinaniniwalaang shabu at iba pang drug paraphernalia.

Itinanggi naman ng suspek na sa kaniya ang nakumpiskang droga. -- FRJ, GMA News