Imahe ni Hesukristo sa exhibit, ginawa sa pamamagitan ng mga palito ng posporo

Hinahangaan ang isang obra na kasama sa art exhibit na makikita sa Lingayen, Pangasinan.

Sa ulat ng GMA News 24 Oras nitong Biyernes, sinabing binuo ang imahe ni Hesukristo gamit ang libu-libong palito ng posporo.



Ang obra na gawa ng artist na si Kurt Russell Cruz ay makikita sa exhibit sa Pangasinan Training and Development Center sa Lingayen.

Ang imahe ay mayroong taas na dalawang talampakan at haba na tatlong talampakan.

Umaani ng papuri ang naturang likha ni Cruz sa mga taong nagtungo sa exhibit, na magtatagal ang hanggang Mayo. -- FRJ, GMA News