Baby buwaya, nakita sa matubig na bakanteng lote sa Davao City

Palaisipan pa sa mga awtoridad sa Davao City kung papaano nagkaroon ng baby buwaya sa isang matubig na bakanteng lote sa nabanggit na lungsod. Sa ulat ng Balita Pilipinas Ngayon ng GMA News TV, sinabing nag-iingat ngayon ang mga residente na magpunta sa matubig na bakanteng lote dahil sa paniwala na mayroon pang buwaya sa kanilang lugar. Ang maliit na buwaya na tinatayang may haba na dalawang talampakan ay dadalhin sa isang wildlife park sa lungsod. Hindi pa umano alam ng mga awtoridad kung papaano nagkaroon ng buwaya sa lugar. - FRJ, GMA News