CBCP babawi: Pagsuporta sa EDSA Dos mali

MANILA – Makalipas ang mahigit pitong taon, kinilala ng Catholic Bishops Conference of the Philippines (CBCP) ang pagkakamali sa "Sin era" sa ginawang pagsuporta sa pangalawang EDSA people power revolt – at nais nilang “bumawi." Ayon kay Manila archdiocese vice chancellor Fr. Sid Marinay, ang direksyon na tinatahak ngayon ng CBCP ay palakasin ang institusyong pulitikal na pinahina ng EDSA 2. "The current direction of the CBCP to strengthen political institutions to solve and prevent political crises is a kind of a corrective measure of EDSA 2 which weakened political institution in the sense that it did not wait for the verdict of the Senator-Judges in the impeachment case against President (Joseph) Estrada. It did not respect the rule of law," pahayag ni Marinay na nababasa sa website ng Manila Archdiocese. “It did not give the duly instituted political institution a chance to assert itself and prove its strength to handle such a political turmoil," idinagdag niya. Kinikilala umano ng CBCP na hindi nakatulong ang EDSA 2 para mapatatag ang institusyong pulitikal ay sa halip ay naging, “counterproductive for it weakened our political structures." Matatandaan na sinuportahan ng Simbahan sa pangunguna noon ng namayapang si Manila archbishop Jaime Cardinal Sin ang pagpapatalsik kay dating Pangulong Joseph Estrada na inakusahang sangkot sa katiwalian. Sinabi ni Marinay na ang sitwasyon sa EDSA 2 ay iba sa unang people power noong 1986 kung saan pinigilan ang pagdanak ng dugo at nagtulak kay dating Pangulong Ferdinand Marcos na lisanin ang Malacanang. Ito umano ang dahilan kaya dumidistansya sa ngayon ang CBCP sa anumang pagkilos na katulad ng EDSA revolution para magkaroon ng pagbabago sa liderato, ayon kay Marinaw. "The kind of political activism, the CBCP is trying to espouse at this point in Philippine history is at the service of the stability of our political institutions to be able to solve political problems and prevent political crises," aniya. “This emphasis on making the political institutions strong by promoting the 'rule of law' serves as a grammar that can help accurately interpret the language of the CBCP at this point in Philippine history, and the thread that coherently links all of the CBCP statements from 2004 to 2008, the post Cardinal Sin era of the Catholic Church in the country," paliwanag ni Marinay. - GMANews.TV