Michelle Van Eimeren calls Regine Velasquez 'the BESTEST stepmum ever'

Para kay former Miss Australia Michelle Van Eimeren, ang Asia's Songbird na si Regine Velasquez ang "the BESTEST stepmun ever."

Si Michelle ang ex-wife ng singer-comedian na si Ogie Alcasid, na asawa na ngayon ni Regine.

Nasa Pilipinas ngayon ang panganay na anak nina Michelle at Ogie na si Leila Alcasid, na nakatira kasama ang kanyang ama at ang stepmother niyang si Regine.

Noong January 30 ay nag-post si Regine sa Instagram ng larawan ni Leila.

Caption dito ng singer-actress: “Our very own Ms Universe soooo beautiful!!!!”

Ginanap kasi noong araw na iyon ang 65th Miss Universe.

Ilang netizens ang nag-comment na si Leila ang susunod na beauty queen, kagaya ng kanyang ina.

Si Michelle ang naging kandidata ng Australia sa Miss Universe 1994, na ginanap noon dito sa Pilipinas.

Dahil sa Miss Universe 1994 kaya nagkakilala sina Ogie at Michelle, na humantong sa pag-iibigan at kasalan.

Sagot naman ni Leila rito: “Noo way!! Too kind.”

Nagkomento din si Regine at sinabing, para sa kanila, isang beauty queen si Leila.

Nagustuhan naman ni Michelle ang post ni Regine at sinabi nitong "BESTEST stepmum ever" ang Asia's Songbird.

Bukod kay Leila, may isa pang anak na babae sina Ogie at Michelle; si Sarah, 17.

May isa namang anak sina Ogie at Regine, si Nate. -- For the full story, visit PEP.ph