Ashley Ortega opens up about blooming romance with Chavit Singson's grandson

Nauugnay ngayon ang Kapuso young actress na si Ashley Ortega sa isang apo ni dating Ilocos Sur Governor Chavit Singson.

Ito ay si Prinz Singson.

Paglalarawan ni Ashley sa binata, “Bale grandfather niya po si Chavit, tito niya [si Ronald Singson]. Yung dad niya is si Tito Richard Singson. Bale yung lolo niya, yung dad ni Tito Richard, kapatid ni Chavit.”

Nakilala raw ng dalaga si Prinz sa pamamagitan ng isang kaibigan.

Kuwento ni Ashley, “I have a best friend, si Enzo, tapos ipinakilala niya ako sa kanya. Though, from the States kasi siya, dun siya nag-aaral. Na-meet ko lang siya last April. Kasi April ‘til September lang siya mag-i-stay, kasi sa States siya nag-aaral. So, this Saturday, September 17, he’s going back there para mag-aral.”

Nakausap ng PEP.ph (Philippine Entertainment Portal) si Ashley sa presscon ng Oh, My Mama sa 17th floor ng GMA Network Center nitong Martes, September 13.

Naroroon nga si Prinz sa presscon para sumuporta kay Ashley, pero bigla itong nawala nang matapos ang panel interview.

 

After taking a pill in Ibiza, I cannot see heaven being much better than this

A photo posted by Prinz Singson (@prinzsingson) on

Aug 28, 2016 at 6:19am PDT

REAL SCORE. Tinanong ng PEP si Ashley kung sila na ba ni Prinz.“Hindi po… ano ba!” ang tumatawang bulalas ng 17-year-old actress.

Pero pag-amin din niya, “Nanliligaw. Kasi ayoko naman po ng LDR [long-distance relationship]. Pero after two years, tatapusin muna niya yung studies niya sa States, tapos for good na siya dito sa Philippines after ng studies niya.”

Hindi pa raw niya sinasagot ang binata.

“Hindi naman po ako nagmamadali. I mean, like lalo na ngayon, priority ko itong work ko at saka nag-i-school ako. At saka ayoko ng LDR.”

Kumukuha ng kursong Interior Design si Ashley sa School of Fashion and Arts sa Makati City.

Ano ang estado nila ni Prinz ngayon?

“Special friends,” sagot ni Ashley.

May MU (mutual understanding) na ba sila?

“Parang ganun pero… oo ganun, pero sabi ko talaga kasi, ayoko muna ng commitment. Kasi iba naman yung commitment sa MU, di ba? Ang commitment, kailangan isa siya sa mga priorities, pero…"

“I’m not saying he’s not my priority, pero pag sa States kasi siya, magiging busy rin siya. Kasi athlete siya, track and field, so may kanya-kanya kaming ginagawa. Pero from time to time siguro, pag nasa States siya, we will still talk to each other every day.”-- For the full story, visit PEP.ph