Ai-Ai celebrates first anniversary with 21-year-old boyfriend

Noong April 12, 2015 ay isang taon na ang relasyon ni Ai-Ai delas Alas at ng kanyang boyfriend na si Gerald Sibayan.

Binati pa nga ang dalawa sa Instagram ng panganay na anak ng  Comedy Queen na si Sancho delas Alas: “Happy anniversary sa inyong dalawa!!! Syeeeeeet ang taaaaamis! ????????”

Makikita sa Instagram post ni Sancho na naka-pambahay lamang ang tatlo at tila katatapos lamang nilang kumain.

 

Happy anniversary sa inyong dalawa!!! Syeeeeeet ang taaaaamis! ????????

A photo posted by Sancho De las Alas (@sanchovito) on

Apr 11, 2015 at 8:33pm PDT

Matatandaang unang umamin si Gerald sa PEP.ph (Philippine Entertainment Portal) tungkol sa kanilang relasyon ni Ai-Ai, noong September 15, 2014.

Sa Facebook chat, tinanong ng PEP si Gerald kung matagal na bang naging sila ni Ai-Ai.

Matipid na sagot ni Gerald: “Opo. God bless you.”

Ibig sabihin, kung April 12 ang kanilang anniversary, anim na buwan na ang kanilang relasyon noong panahong yun.

Halos 30 years ang age gap nina Ai-Ai, 50, at Gerald, 21.

Pero sinabi ni Ai-Ai sa panayam pa rin ng PEP noon na, "Ang pag-ibig naman, wala ‘yan sa edad, e."

Samantala, ngayong araw, April 16, ay pumirma ng two-year exclusive contract sa GMA Network si Ai-Ai, matapos ang labing-apat na taon nito sa ABS-CBN.

Dito ay kinumusta at binati ng press si Ai-Ai para sa anniversary nila ni Gerald.

Ngunit ayon sa Comedy Queen, bagamat masaya pa rin ang kanyang lovelife ay gagawin na niya itong pribado. -- PEP

For the full story, visit PEP.