Carla Abellana admits breakup with Geoff Eigenmann

Live na nag-guest si Carla Abellana sa Startalk ng GMA-7 nitong Linggo at sa kauna-unahang pagkakataon ay inamin na niya ang tunay na sitwasyon sa pagitan nila ng kanyang matagal nang nobyong si Geoff Eigenmann.

Sa unang tanong pa lang ng Startalk host na si Heart Evangelista na “Are you still together?’ ay umamin na si Carla na break na sila ni Geoff.

“Before I answer that I just wanna say napakahirap to be on TV siyempre.

“It’s such a personal struggle, I didn’t want to have to come... you know, I didn’t want to have to come out on TV to be able to say...

“Pero siyempre we are, you know, public figures, our relationship’s also public, though 'yung mga pinagdadaanan namin very personal.

“I owe it to the fans na rin to tell the truth, we can’t keep denying or we can't keep hiding the truth.

“Hindi naman kami puwedeng magsinungaling so… almost four years yung relationship namin ni Geoff. I remember I was the first one pa na nagsabi na, ‘Yes, Geoff and I are officially together!’

“So you know, it’s just right, I believe na ako na rin yung [dapat] magsabi that we’re no longer together,” ang madamdaming pahayag ni Carla.

Reasons for breakup

Ano ang naging dahilan?

Pag-aanalisa niya, “I wish it were easy, I wish it were just one reason, pero hindi, e.

“You know Geoff and I are two different people, and we’re too different, na there are just so many reasons.

“We don’t share the same values, mas madalas hindi kami nagkakasundo kesa sa nagkakasundo. So you know, mahirap kasi for me—it was the small things talaga, e.

“Small details, small things as compared to the grand gestures, grand anything, it was the small things that contributed to just one big thing.

“We were too different talaga... mas nagka-clash pa kami kesa nagkakasundo kami.

“So ang daming reasons and I wish puwede kong i-enumerate isa-isa 'yon pero hindi na lang. Siyempre, I respect Geoff. I respect myself kahit papaano pa rin.

“So hindi ko na idedetalye kung ano 'yung mga reasons na 'yon.

“There are just too many reasons, pero hindi talaga namin kaya na.”

Ayon pa kay Carla, walang ibang tao o third party involved sa hiwalayan nila ni Geoff.

“Okay thanks for asking, kasi I want to make it clear na wala talaga. I want to make it clear, I want to clarify na wala.

“Kung meron man po kayong nababasa or nababalitaan na may nai-involve, wala ho. Ang layo, napakalayo nuon sa mga reasons.

“Walang kinalaman ito sa kahit sinong nakatrabaho na namin, nakakatrabaho ngayon, or makakatrabaho pa in the future.

“It has absolutely nothing to do with anybody else, it’s just Geoff and I talaga,” paglinaw niya.

Ni minsan ba sa relasyon nila ay naghinala siya na may iba si Geoff?

“No, actually no, no. Never, never akong nag-isip ng masama about Geoff, na kaya niyang gawin sa akin 'yon. So wala naman, I never doubted him naman,” dagdag pa niya.

’You break up with the family’

Malapit si Carla sa buong pamilya ni Geoff, lalo na sa ina nitong si Gina Alajar at sa ama ni Geoff na si Michael de Mesa. Kaya isa ito sa ikinalungkot ni Carla sa hiwalayan nila.

“It’s the hardest part, family siyempre,” ang naiiyak pa ring sinabi ni Carla.

“You don’t just break up with Geoff, you break up with the family.

“The Eigenmanns naman have welcomed me as part of the family since the beginning, hindi na ako iba sa kanila, they never treated me as an outsider.

“Pakiramdam ko I’m part of the Eigenmann family so it was extremely difficult, not just to make a decision, pero to break it to them na rin.

“So with Tita Gina hindi ko na kinailangang mag-explain, hindi na siya nangulit or anything, naintindihan niya naman din kaagad.

“She knew where I was coming from, she knew why, hindi man niya alam ang specifics pero she understood me, in a way.

“So, sobrang grateful ako sa Eigenmanns kasi sobrang bait nilang lahat,” at muling napaiyak si Carla.

“Si Gabby, si Tito Mike, Ryan, everybody’s been so nice to me.

“So, sobrang grateful ako na, you know, I got to share three, four years of my life with them and I got to know them much better.”

Pero hindi naman daw doon nagtatapos ang lahat.

“It doesn’t end there. Sabi nila, ‘We won’t treat you any differently, we’ll see you around. Okay, Geoff and you aren’t together anymore pero kami hindi, nandito lang kami lagi.’

“Ganun naman sila,” saad pa niya.

Tinanong naman ni Heart si Carla kung ano ang nilalaman ng puso niya ngayon. Hindi ba siya galit?

“Hindi ako galit,” ang mabilis na reaksyon ni Carla.

“Bakit naman ako magagalit, 'di ba? There’s nobody to blame 'tsaka pangit naman 'yon, if you blame one another or something or if you blame yourself.

“I’m struggling but honestly, my heart is full of love. As in, sobra! Family ko pa lang,” at muli na namang umiyak si Carla.

“My best friends, my family, they’ve all been there, my fans, they’re here,” sabay-turo ni Carla sa kanyang mga supporters na nasa studio rin kanina.

“It’s full of love, my heart is full of love.”

Sa palagay ba niya ay may mas magagawa pa sana siya sa relasyon nila ni Geoff o nagawa na niya ang lahat ng dapat niyang gawin?

Patuloy pa ng Kapuso star, “Oh yeah, definitely. Ang dami na naming tries, ang dami na naming chances, we gave it such a push, we really tried our best.

“And sa part naman ni Geoff, oh wow, nakita ko talaga din 'yung efforts, nakita ko 'yung hard work that he put into the relationship and you know the willingness to do everything.

“So we really tried our best naman talaga.”

Moving on

Wala raw anumang panghihinayang si Carla kahit ginawa na niya ang lahat.

Deklara niya, “I learned from it.”

Trabaho ang nakakatulong kay Carla para maka-move on.

“Actually I see it as a good thing, mas busy ako, mas nadi-distract 'yung mind ko, I’m surrounded by so many people who support me and love me.

“Blessings ni Lord sobrang dami, overflowing talaga, left and right.

“God has been blessing me so much so sabi ko okay sige you know, we have to keep going, we have to continue working, may trabaho pa rin tayo.

“At the end of the day, artista tayo and meron tayong fans na talagang gustong nakangiti tayo, gustong, sige trabaho lang.

“So grateful ako with all the work talaga that I’ve been doing so well, I’ve been so blessed.”

Sa pagpapa-interview ni Carla, nangangahulugan ba ito na wala na talagang pag-asa na magkabalikan sila ni Geoff?

“Siyempre before naman I appear in public, sa amin na muna ni Geoff, 'di ba? Mag-uusap na kami kung talagang wala ng chance or wala ng pag-asa.

“So we’ll see. Only God knows!

“Honestly you know, hindi na kami together ngayon but we’ll never know naman, 'di ba? If we’re meant to be together doon din naman kami dadalhin ng Diyos eventually so only God knows.”

Carla's message

May mensahe ba siya para kanilang mga supporters, at kay Geoff mismo?

Pahayag niya, “First of all I thank all the fans, dun sa four years na 'yon ang dami na naming fans, siyempre Geoff and Carla fans diehard talaga.

“Thank you so much for all the love and support.

“To Geoff, thank you, super thank you talaga for teaching me so much, thank you for making me a tougher person.

“I am stronger now, I am tougher now.

“I was pushed to my limits talaga na, ‘Wow, kaya ko pala!’

“Parang ganun so thank you so much for taking care of me, for loving me. I thank your family, I will be forever grateful to the Eigemanns.

“I really do sincerely hope and pray na maging okay ang lahat sa atin, hindi man as a couple but as individuals, of course I wish nothing but the best for you.

“So 'yon lang, thank you, thank you for making me who I am now.

“Salamat sa iyo kasi part ka nun. And I’ll see you around.”

Lessons learned

Sa mga pinagdaanan nila ni Geoff, ano sa palagay ni Carla ang naidulot nito sa kanyang pagkatao; ano ang mga natutunan niya?

Tugon ni Carla, “Of how far you can go as a person. Kung hanggang saan mo kayang ibigay... para sa relationship ninyo, para sa taong minamahal mo.

“Kung hanggang saan kaya ng puso mo. Ang dami—patience was tested, your love for each other, how much you’re willing to sacrifice, 'yon, 'yon 'yon.

“But at the end of the day, if there’s one thing that this relationship taught us, it’s really to be such a strong person, 'yon lang.”

Kapag dumating ang panahon na muling magmamahal si Carla, paano ba siyang magmahal?

“Wow!

“Mahaba ang pasensiya ko 'tsaka 'pag nagmamahal ako binibigay ko lahat.

“I don’t ano, I go all in, I don’t, 'yung tipong ‘Ay okay lang yan,’ ganyan.

“But with me naman in a relationship, kung sinuman 'yung person na 'yon, 'yung partner ko, hindi lang siya 'yung buhay ko.

“My whole world doesn’t revolve around that person. I still have my family, I still have my career, I still have my best friends, my fans, ang dami!

“So you know, I give everything, I give my best but I leave some for myself.”

Wish

Ano ang hinihiling o ipinagdarasal ni Carla para sa susunod niyang relasyon?

Panalangin ni Carla, “Sana siya na. Alam naman ni Lord 'yan, pinagdadasal ko lagi.

“Diyos ko, umabot na ako sa Manaoag, kung saan-saan. Sana next na 'yung, siya na 'yon talaga.

“We all hope to find that person you’re meant to spend the rest of your life with, 'di ba? So, sana kung sino man 'yung next, siya na. Alagaan niya ako, mahalin niya ako.” —Pep.ph