Yeng Constantino is engaged

Sa kanyang Instagram account nitong Sabado ng umaga, March 8, unang ipinost ni Yeng Constantino ang isang photo na may katagang "happiest woman on earth right now."

Sa bandang ibaba ng photo ay may linya na kagaya ng makikita sa heart rate monitor machine sa mga ospital, pero sa linya ay may korteng puso na nakalinya.

Sa caption, may nakalagay na "I am" na may katabing line drawing ng dalawang taong magka-holding hands.

Ilang oras ang nakalipas, isang litrato na ng dalawang kamay na magkapatong ang ipinost ni Yeng.

Ang kamay sa ibabaw, may singsing.

Doon na tuluyang ipinahiwatig ni Yeng na engaged na siya sa boyfriend na si Victor Ascuncion.
Sa caption ng ng photo, nakalagay ang "I said yes" katabi ng isang puso.

Naging magkasintahan sina Yeng at Yan (palayaw ni Victor) nung June 18, 2013.

Bukod sa lead singer ng isang alternative rock band ay isang worship director si Yan sa isang Christian church.

Unang boyfriend ni Yeng si Yan. - PEP.ph